Banco di Caribe tabata tin un actividad hopi ameno, cual ta cende nan luznan di pasco, nan kerstboom, cual ta algo unico pa e dianan di fiesta aki, segun director di e banco.
E top di e mast na laira, tin un kerstboom y un strea y Banco di Caribe tin’e pa prome biaha na Aruba. No solamente lusa rond, pero e ta un show tambe, segun e director.
Riba e dia aki, trahadonan tabata tey presente hunto cu nan famia. Esaki sigur lo bay sigui den futuro. Tur aña lo bay bin cune. Despues cu e dianan di fiesta pasa, e ora ta bah’e y despues cu e temporada bin bek, lo bolbe subi’e.
Banco di Caribe no por keha di e aña aki, aunke e por a bay miho si.
Dia 23 di December, ta habri te cu 12’or di merdia y dia 30 di December, e banco lo ta habri te cu 12’or di merdia pa publico.
Bancomatico ta keda normal manera semper.
Gerencia di Banco di Caribe ta desea tur su empleadonan y tambe pueblo di Aruba un feliz dianan di fiesta.