E calender di aña 2017 di Brazil Taekwondo Stichting ta riba mercado y Banco di Caribe a contribui un biaha mas cu e calender di Brazil Taekwondo Stichting. Tur aña Brazil Taekwondo Stichting ta lansa su calender pa e atletanan por yega na nan metanan. E calender di aña 2017 ta pa e atletanan por biaha pa Korea na unda cu nan lo bay participa na diferente camp training hunto cu e Koreanonan y nan ta bay participa na e Korean Open tambe. Pa por logra e biahe aki Brazil Taekwondo Stichting ta bende calender y tur e fondo di e calender ta bay pa e biahe pa Korea.
Banco di Caribe ta e banco cu a saca su mannan pa yuda Brazil Taekwondo Stichting y lo reparti esakinan pa su empleadonan. Nan a keda masha contento cu e calender bunita aki cu tur e potretnan saca na diferente lugarnan na Aruba y Surinam. Brazil Taekwondo Stichting ta contento cu e cooperacion di Banco di Caribe. Un danki ta bay na Banco di Caribe di parti di e directiva y miembronan di Brazil Taekwondo Stichting.