Banco di Caribe Aruba NV ta den proceso pa haci tur ATM ‘chip ready’

Banco di Caribe Aruba NV ta preparando tur su ATMnan pa por lesa informacion di tarhetanan cu ‘chip’.
Esaki ta haci e transaccionnan na e ATMnan mas sigur pa cliente cu ta haci uzo di e servicio aki.
E ‘upgrading’ di ATM ta trece un cambio den prosesamento na momento di haci un transaccion cu e tarheta cu tin ‘chip’. Ora e cliente hinca e tarheta cu ‘chip’ den un ATM di Banco di Caribe, e mashin lo pidi e cliente pa porfabor warda un rato, lo sali riba pantaya ‘please wait a moment’- esaki ta momento cu e ATM ta lesando e informacion cu tin den e ‘chip’. Despues di algun seconde e cliente por sigui cu e transaccion manera usual. Si e tarheta di e cliente no tin ‘chip’, e ATM lo uza e informacion di e strepi magnetico pa procesa e transaccion.
Banco di Caribe ta realisando e ‘upgrade’ den diferente fase y den tur mercado Aruba, Boneiro, Corsou y Sint Maarten.
Pa e motibo aki nos kier informa cu e siguiente ATMnan lo no ta den servicio.
ATM na San Nicolas dia 12 di September 2016;
ATM na Savaneta dia 13 di September 2016;
ATM na Shaba dia 14 di September 2016;
ATM na Plaza Nikki Habibe dia 15 di September 2016;
ATM na Vondellaan dia 16 di September 2016.
Banco di Caribe ta gradici tur cliente pa nan comprension.
Pa mas informacion por tuma contacto cu nos na 5232250.

Comments

comments