Banco di Caribe a haci entrega di calender ‘Unsung Heroes’

Recientemente Banco di Caribe a haci entrega di e calender di Kiwanis Club San Nicolas 2021 na clientenan cu ta den e ramo di cuido. Como un di e patrocinadonan di e calender ‘Unsung Heroes’, Banco di Caribe ta masha orguyoso di e proyecto y di su meta, ya cu tur fondo recauda via benta di e calender lo wordo uza pa duna bek na muchanan y specialmente muchanan di San Nicolas.

“Nos ta felicita Kiwanis Club San Nicolas cu e bunita iniciativa pa traha un calender na unda Aruba su ‘frontliners’ y ‘first responders’ ta briya. Nos ta di acuerdo cu sigur den e temponan cu nos ta bibando, mas cu nunca nan merece esaki. Nos kier encurasha comunidad di Aruba pa contribui cu e causa cumprando e calender,” esaki di acuerdo cu director di Banco di Caribe (Aruba) N.V., sr. Elvin Maduro.

Riba fotonan adhunto por haya un impresion di e momento cu a haci entrega di e calendernan, naturalmente teniendo cuenta cu tur medida di precausion pa Covid. Por mira, sra. Deborah van den Berg- Alexander cu ta director di e recaudacion di fondo di e calendernan, director di Banco di Caribe (Aruba) N.V., sr. Elvin Maduro. sra. Nathalie Winterdal cu ta dokter di cas. Tambe por mira dentista
sr. John Hernandez y fisioterapista sr. Omar Tromp.

Tur esunnan cu ta desea un calender di ‘Unsung Heroes’ por tuma contacto cu Kiwanis Club of San Nicolas riba nan pagina di Facebook, tambe por yama na 568.7256 of por manda un email na [email protected] Cada calender ta costa Afl. 25.

Comments

comments