Diahuebs mainta a tuma luga un conferencia di prensa di Banco Central. Esaki tabata door di un encuesta cu lo bay wordo haci tocante nos cartera y nos finansas. Sr. Jonathan Upegui, economista, ta splica mas over di esaki.
E encuesta aki ta di tres biaha cu Banco Central ta bin cun’e. E prome tabata na 2010, e di dos tabata na 2013 y awo na 2017, nan ta bin cun’e un biaha mas. E lo ta di 30 di September te cu 19 di November. E lo bay ta ariba e posicion financiero di e hogarnan. E pregunta cu ta bin dilanti ta dicon ta tene encuesta asina. Segun Sr. Upegui, topiconan financiero ta hopi importante. E por ta un link entre pobresa y debe, y tambe por wak kico ta e problemanan financiero di e hogarnan cu ta sosode.
Sr. Upegui a sigui bisa cu tin hopi falta di informacion ariba e topiconan aki. Manera ya menciona, esaki ta di tres biaha cu ta haci’e. E idea ta pa keda constantemente check esaki pa wak un trend tambe. E datonan cu BCA ricibi, lo tin informacion hopi valioso cu e por yuda Banco Central tambe, pa wak con e desaroyo economico ta bayendo. Y con e desaroyo di fiansa y spaar ta bayendo. Tambe importante e lo yuda identifica e grupo cu tin mas problema den e finansas. E lo por yuda Banco Central na un manera mas eficiente. Manera ya menciona caba, analisisnan di Banco Central.
E idea ta pa compara esaki cu tur e otro resultadonan. Tin resultadonan preliminario cu ainda no a wordo publica. P’esey dos of tres meetpunt lo ta hopi bon pa asses e cuestionario.
Tambe e encuesta lo bay tin preguntanan di clasificacion, entrada y gasto. Cuanto e hogar su entrada ta. No di djis un persona, pero di e full e hogar. Un topico tambe cu ta bin dilanti ta cuanto di e hogarnan ta inclui financieramente. Cuanto tin un cuenta di banco, un cuenta di spaar, creditcards, den e mundo aki cu ta bin dilanti den e ultimo añanan.
Via e encuesta por wak e comportacion tambe, con nan ta consumi, con nan ta spaar y por ultimo e fiansa, ki tipo di debe nan tin. E idea ta pa wak cuanto parti di e populacion di Aruba ta den overdebt, dus cu nan tin mas debe cu nan tin entrada, cual ta un problema hopi grandi.
Informacion ta hopi sensitivo y priva, esey ta priva y CBA ta garantisa cu e datonan lo keda confidencial y presenta na un manera agrega. Lo no bay tin datonan individual. Como aprecio pa e hogarnan cu presenta, CBA lo tin un incentivo cu nan lo tin diferente giftcard di supermercado, cinema y di gasoline, cu nan lo rifa.
Diasabra CBA lo manda 20 encuestador riba caya, riba diferente partinan di Aruba. E encuesta lo ta completamente digital. Nan lo tin un badge cu e logo di Banco Central cu ta sigura e persona cu nan ta yega na dje, ta di Banco Central.
A base di e encuesta Banco Central lo wak a base di kico hopi hende ta wordo nenga un credito na banco, segun Sr. Upegui, di Banco Central.