Banco Central di Aruba (BCA) a tuma nota di e comunicado di prensa di Centrale Bank van Curaçao en Sint Maarten (CBCS) fecha 16 di september 2021, titula “Banco di Caribe komprometí pa sigui krese komo parti di United Group Holdings”.
CBCS ta participa den e comunicado di prensa ey cu lo bende Banco di Caribe N.V. na United Group Holdings B.V. (United) y cu e benta aki lo inclui tur actividad bancario di Banco di Caribe na Curaçao, Aruba, Bonaire y Sint Maarten, como tambe e actividadnan di seguro y inversion di Van der Lubbe Assurantiën N.V., Bancarib Real Insurance Curaçao N.V. y BdC Investments B.V. E bendedo, Ennia Caribe Holding N.V. (ECH), representa pa CBCS, y e cumprado United a firma e acuerdo di benta segun e comunicado di prensa dia 11 di september 2021.
Pa motibo di preguntanan ricibi a base di e comunicado di prensa aki, BCA ta haya sumamente importante pa informa e publico cu a base di articulo 17, prome paragraf, di e Ordenanza di Supervision di Institutonan di Credito, ta prohibi pa un persona natural of un entidad huridico adkeri sin permiso previo di BCA un participacion cualifica den un entidad di credito (banco). Esaki ta significa cu adkeri un interes cualifica directo of indirectamente den Banco di Caribe Aruba N.V. ta someti na permiso previo di BCA.