Ya caba tin un aña di gobernacion y pueblo ta ansioso pa tende cuanto mas nan mester warda pa tur e plannan cu tin ariba papel wordo concretisa. Parlamentario, Sr. Allan Howel, parlamentario di partido POR, ta amplia.
Sr. Alan Howell a splica cu su persona y fraccion di POR, no kier warda asina no kier warda mucho mas pa accionnan concreto, unda cu pueblo por bisa cu nan por drumi trankil anochi y cu nos costanan ta bon cuida y cu hendenan no por drenta na niun manera. E no por papia pa e maneho di Minister di Husticia.
Mas aleu, Sr. Howell a sigui bisa di ta na altura cu minister di Husticia tin un aña den su funcion. E ta na altura cu placa ta un problema hopi grandi pa por logra diferente cosnan cu ta desea. E no ta un proceso facil. Pero e ta keda bisa si tambe, cu tin hopi otro cosnan cu tanten cu ta wardando por ehempel ariba un helicopter y radar, lo por trece movecionnan y siguransa. Un di nan, el a splica durante su disertacion den parlamento, ta pa amplia e Cuerpo di Guarda Nos Costa na tera. Ta tardando kisas pa haya un yudansa di Marinierskazerne. Si haci e Cuerpo di Guarda Nos Costa mas grandi, cu lo concentra ariba deporta ilegalnan y tambe proteha nos costa. Tin kustsurveillance ta tumando luga, cu ta un combinacion di Douane y polis. Pero esaki ta kita polis di for di ariba caya. No tin tempo mas pa perde mas polis pa otro proyectonan. Lo ta bon tambe, segun Sr. Howell, ta pa uza creatividad di loke nos tin aworaki, pa trece accion pa hendenan por sinti nan mes mas sigur, en espera di e helicopter y radar cu ta na caminda.
E mandatario di Husticia a duna Sr. Howell rason den esaki. Nan lo bsuca tur manera, y parlamento lo por duna e “rugdekking” cu si mester haci e cuerpo mas grandi, pero esaki at costa placa pa asina por cuminsa mira accionnan concreto, cu ta bay dunanan e satisfaccion y e trankilidad na e pueblo cu e costa lo wordo cera. Na momento cu pueblo mira esey, nan por ta contento e ora ey, segun Sr. Howell a finalisa bisando.