Ban topa cu nos cahanan di orgel ta un actividad cu pa varios aña ta ser organisa pa Sr. Reginald (Nai) Felicia. Sr. Felicia ta doño tambe di un caha di orgel y pa cual e ta mira un motibo pa esnan cu tin caha di orgel topa anualmente den un encuentro ameno pa deleita amantenan di musica di caha di orgel.
Diadomingo 30 di April venidero ta bay tin e encuentro ‘Ban topa cu nos Caha di Orgel’ for di 12’or di merdia pa 6’or di atardi. Entrada completamente GRATIS. Mas di 15 caha di orgel lo bay topa otro rond di area di pool di Papiamento Restaurant na Washington, Noord.
Esnan cu ta bay tur aña sa con bon e ambiente ta. Y si abo kier tin un experiencia diferente diadomingo awor bini pa disfruta di e musica, ban baila y pasa bon. Lo tin cushina crioyo, esey kiermen no cushina sino bin disfruta di dushi cuminda crioyo.
Sr. Nai Felicia ta invita henter e pueblo di Aruba y amantenan di caha di orgel pa ban topa cu nos caha di orgel riba diadomingo awo rond di area di pool na Noord.