Faltando un tiki mas cu un luna pa nos clausura aña 2016, director di WEB Aruba NV, Luis Oduber ta recomenta pa bira mas conciente cu malgastamento di awa y coriente durante e temporada aki di fin di aña.
Ta compronde cu December tur hende ta di fiesta. Tin biaha nos ta laga nos airconan cendi mas largo. Tin hende cu vakantie. Tin hende tin e tendencia di laba muraya, dak, plafond, ta gasta hopi awa. Purba di haci esaki concientemente. Purba limita. Un conseho pa loke ta awa, cumpra e nozzle cu ta cumpra pa slang. E ta haci un diferencia masha grandi mes, cu un slang gewoon habri, ta gasta hopi mas awa y hopi ta bay perdi. Si bo kier haci un muraya limpi, e nozzle ta contene of ta mik miho cu e awa y e ta gasta hopi menos. Bo tin mas presion, e ta haci e luga limpi mas facil, uzando hopi menos awa.
Di parti di coriente, sende e luznan necesario. Luznan awendia tambe ta bira moderno. Ta haya hopi luz LED cu practicamente no ta gasta coriente. Si bo tin manera, pone eseynan y get rid di e bombiyonan bieu. Hopi biaha tin e tendencia di wardanan, pasobra nan ta bon. Pero e coriente cu bo ta gasta, ta cumbini uza LED. Mescos pa airco. Kisas bo ta na cas, hisa e temperatura den dia, pone na 25 of 26, tene camber fresco y despues bahe na temperatura pa drumi.
Por pone fan pa yuda. Airco, mira si e bentana y portanan ta bon geseal. E aire cu ta drenta ta bin cu aire cayente y ta haci cu e airco ta traha mas duro.
Segun Oduber, hopi hende ta purba di reta su mes. Oduber ta controla su meter di awa y coriente y skirbi’e. Aki ta wak kico por haci. Reta e yiunan pa baha nan uzo door di recompensa nan. Tin diferente manera pa haci’e sin sacrifica e habitantenan di e cas.