Mark Kelly a splica kico tur nan mester como famia di loke nan a perde den e candela. E ta splica cu na comienso di aña a sosode un incidente cu a shock e famia y como cu nan no tabata prepara, ta buscando ayudo di comunidad.
Total nan ta 9 persona bibando eynan. Tres mucha chikito y seis hende grandi.
Segun Kelly a haya un ayudo door di Sociale Zaken. Nan a yuda cu alohamento di un cas na huur y esey tabata pa un tempo y awor aki mester a move na un otro cas. Esey ta e ayudo cu a haya te awor aki.
Awor aki ta bibando tur hende keto bay.
Kelly a splica cu mayoria parti cu tin mester ta ekiponan electronico y cashi, mesa, etc. A wordo yuda caba cu cama na cuminsamento y esey por a uza pa por a sigui den e cas cu tabata tin na huur.
Awor loke tin mester ta frigidaire, huur. Cashi mesa cu stoel ta mas importante.
Paña ta un necesidad pero ta algo cu nan mes por yega na dje mas lihe. Lo mas esencial ta pa por haya e cas bek.
E famia ta trahando riba nan mes, pero ta algo cu a bin diripiente, e ta algo grandi cu ningun hende no ta prepara pe. Dificil pa yega na tur cos bek y esey ta tuma tempo. Pesey ta buscando un man for di comunidad.
Den nomber di famia Kelly henter, ta invita tur hende pa diasabra awo, di 8’or di mainta pa 8’or di anochi, pa bin bishita nan na Centro di Bario Noord. Lo tin actividad pa famia henter. Ta spera tur hende eynan.