Dia internacional di garoti blanco strepi cora ta e fecha di 15 di October.
E aña aki FAVI lo ta hopi activo pa asina nos concientisa nos comunidad y muy specialemente nos trafico di Aruba.
FAVI lo organisa diferente actividad hunto cu su clientenan, pa di e forma aki educa nos comunidad tocante e uzo di e garoti blanco strepi cora na e forma corecto y sigur den nos trafico.
Ta pa tal motibo diabierna venidero 29 di September, e muchanan visualmente incapacita di FAVI lo haci un demostracion dilanti di Universidad di Aruba. FAVI ta haci un apelacion na e comunidad pa tene cuenta y sostene e demostracion.
Esaki lo tuma luga entre 9:45 am te cu 10:30 am.
Riba e dia aki, tur esnan cu ta haci uzo di nos trafico lo mira nos muchanan ta parti flyers, cana cu borchi y lo haci demostracion di crusa caya cu nan garoti blanco strepi cora. FAVI ta gradici di antemano e usuarionan di trafico pa e espacio y sosten.
Pa mas informacion tocante dia di garoti blanco y strepi cora por tuma contacto cu FAVI na 5825222 of 5825051.