Centro di Bario Noord hunto cu famia di Kayleen Trimon ta organisando un caminata pa recauda fondo.
Kayleen ta un chikitin di 2 aña cu ta masha spierto y dushi, y cu a nace cu un ‘Espina Bifida’ (open rug). Ainda e no por cana y ta completamente dependiente. Pa su salud e la yega di bay Colombia y Hulanda caba y dentro di poco e tin cu bay Hulanda un biaha mas. Manera ta conoci AZV ta paga pa e patient y un acompañante. Den e caso aki e Tata ta bay oficialmente como su acompañante. E meta di e caminata ta pa haci posibel cu e Mama tambe por realisa e viahe importante aki hunto cu Kayleen. Cu otro palabra mediante e caminata kier recauda fondo pa por cubri e gastonan di viahe y estadia.
Inicialmente e fecha di caminata tabata diadomingo awor 11 di maart 2018 pero mirando cu e benta di carchi no ta bayendo manera nos ta desea, a dicidi di cambia e fecha. Asina ta duna mas espacio pa promove e caminta y por recauda e fondo necesario pa Kayleen cu dia 7 di april ta biahando pa Hulanda. Fecha nobo a bira 31 di maart 2018.
Bo por aporta door di participa na e caminata cumprando un carchi na balor di Awg. 10,-. E caminata lo cuminsa y caba na Centro di Bario Noord. Caminata ta sali 5:30 di CBN y ta sigui e siguiente ruta: CBN, CAFÉ 080, Alto Vista, Sabana Liber, CBN. Carchinan ta obtenibel na IBISA y por tuma contacto pa mas informacion na e siguiente nr di tel 5657200.
Ban duna un man na Kayleen pa su salud!