Butterfly Farm Aruba ta cuminsa e celebracion di su 20 aniversario cu e campaña pa conserva e barbulet Monarca. E simbolo ta e Sinta Oraño cu ta wordo poni riba e matanan di lechi.
E barbulet Monarca ta depende di e mata di lechi pa su reproduccion.
E mata yama milkweed na Ingles y e nomber scientificota Calitropis procera. E bichinan ta come exclusivamente di e mata aki. Despues di come algun siman nan ta traha nan pop, cu ta berde cu un rand do oro masha nechi. Eyden nan ta transforma den e barbulet, cu ta oraño cu strepi preto.
P’esey e luna aki, e Butterfly Farm ta lanta e campaña di e Sinta Oraño, cu ta mesun color cu e barbulet Monarch. Ora bo wak e sinta ki rond di e mata di lechi, esaki ta simbolisa un promesa cu nos ta cuida y conserva e mata aki y asina nos por gosa di e bunita barbulet Monarca, cu ta un parti valioso di nos naturalesa local.
Monarca ta un especie cu ta mundialmente reconoci pa e gran migracion espectacular cu nan ta haci anualmente. Nan ta bula di nort di Merca te Mexico pa bay hiberna den cantidadnan di miyones. E santuarionan aki ta atrae hopi bishitantenan durante e luna di Januari pa Maart.
Bin bo tambe participa den e conservacion di nos barbulet Monarca. Durante e luna di Februari bo por pasa busca bo Sinta Oraño na Butterfly Farm cu ta habri tur dia di siman. Ban conserva e mata di lechi y nos barbulet Monarca, hunto nos ta logra.
Potretnan di barbulet Monarca pa Roger Peterson.