Despues di un exitoso programa di television “Ban Come dushi” na 2016, un biaha mas e programa “Ban Come Dushi” ta bin bek. Esaki lo cuminsa dia 15 di Juni, caminda cu e programa “Ban Come Dushi” pa motibonan tecnico no por a cuminsa un tiki mas prome den luna di April, pero lo cuminsa den luna di Juni. E prome chef ta Ricky Croes.
Programa “Ban Come Dushi” ta un concepto completamente nobo di programacion. Lo tin e parti di e menu cu lo wordo cushina durante e programa. Lo tin tips y tambe entrevistanan haci di diferente actividad. E programa “Ban Come Dushi” ta un programa educativo, informativo pa siñabo cushina y tambe ta bon informa pa e mundo culinario loke ta trata bebida y cuminda.
Tambe e programa “Ban Come Dushi” lo tin un segmento special e aña aki pa loke ta trata cos dushi, cual lo wordo pasa den un programa special durante henter luna di Juni y Juli. Augustus no lo tin programa.
Pero September, October y November, e programa lo sigui. E programa lo tin un total di 5 luna di show cu lo t’ey pa educa y informabo tur di esaki. E programa “Ban Come Dushi ta conta cu un team profesional di camarografonan y presentador bao di sra. Marcie de Jongh, kende lo presenta e programa aki.
E programa “Ban Come Dushi” lo cuminsa dia 15 di Juni pa 9’or y 15 riba TeleAruba canal 13 y tambe riba masnoticia.com, como tambe riba su pagina di Facebook cu ta Ban Come Dushi. Ta gradici tur cas comercial cu nan propagandanan, cu a sa di sostene e programa aki y pueblo completo cu tabata pendiente pa e programa pa basta tempo. Pues diahuebs awo, 9’or y 15, na TeleAruba, Ban Come Dushi tey bek.