Dia 21 di oktober benidero Rotary Club of Aruba ta celebra World Polio Day cu un 5 kilometer fun walk/run conhuntamente cu Rotaract Club of Aruba y Interact Club of Aruba.
Esaki ta e di 2 aña consecutivo cu Rotary Club of Aruba ta celebra World Polio Day cu un walk/run pa asina trece e conscientisacion necesario na e Polio virus cu ta afecta muchanan y nan systema di nervio. Aunke cu na Aruba nos no conoce caso mas di polio, door di e vacuna cu tur baby ta ricibi via Stichting Wit Gele Kruis, Rotary Club of Aruba, formando parti di un organisacion internacional, kier a conscientisa pueblo di Aruba tocante e malesa di polio y alaves promove movecion cu ta connecta cu un bida saludabel den nos comunidad.
https://www.facebook.com/masnoticia/videos/2225440644360104/
E caminata lo ta di 5 kilometer cuminsando i ta caba na Plaza Nikki Habibe na final di caya. Lo por cana of core e trayectoria depende di e participante su gusto of preferencia. Inscripcion ta solamente 25 florin cual ta inclui un t-shirt pa cada participante i un “finishing medal”. Ademas na final di e walk/run lo ta bai tin rifa di diferente premio atractivo pa e participantenan. Pa registra por haci esaki online via e link riba e pagina “End Polio Now walk/run by Rotary Club of Aruba” riba Facebook. E pago por wordo hasi na Nature’s Discount Seroe Blanco of na Bestial Pet House na Tanki Flip. E promer 100 persona cu registra lo ricibi un “END POLIO NOW” pin gratis pa asina mustra nan sosten pa e causa aki.
Rotary International conhuntamente cu World Health Organization y UNICEF a cuminsa cu e initiativa mundial aki pa eradica Polio na 1988. Na aña 2007 Bill & Melinda Gates Foundation a join Rotary International den e compromiso pa eradica polio. Pa es motibo, Bill & Melinda Gates Foundation ta triple tur donacion haci pa asina eradica e Polio Virus. Pa es motibo, tur entrada di e evento lo keda designa na e causa pa asina por eradica e Polio Virus.
Den curso di e dianan cu ta bin, nos lo duna mas informacion over di evento aki. Pa mas informacion por tuma contacto via Rotary su facebook page END POLIO NOW Fun Walk/Run by Rotary Club of Aruba.