Fundacion Movemento ta Bida ta bay cuminsa e aña aki cu un actividad pa tur esunnan cu gusta naturalesa .
Entrante diasabra 20 di januari nos ta bay cana den naturalesa mainta pa 6.30 saliendo for di e entrada di Parke Arikok. E distancia lo ta tur biaha entre 5 pa 6 km y tur siman lo ta un otro ruta.
Esunnan cu kier participa mester tene cuenta cu e rutanan por tin algun sero den nan dus bin cu bo wandelstok y bon sapato pa cana den dje. E programa aki lo dura 10 siman y nan ta na encargo di park ranger Encho Koolman. Durante cu nos ta cana informacionnan valioso lo wordo duna tocante nos flora y fauna y asina cada un participante por educa su mes durante e un ora y mei canando den aire fresco. Pa participa bo mester ta ariba di 40 aña y participacion ta gratis . Djis presenta diasabra mainta pa 6.30 cu bo awa na entrada di parke Arikok. Canamento den naturalesa ta algo masha sano mes y awor bo tin e oportunidad pa haci esaki hunto cu FMTB gratis durante 10 siman for di 20 di januari te cu 16 di maart. Pa mas informacion por tuma contacto cu Rudy Leysner na 5942546 of oficina di FMTB 5868651. Corda cu e aña aki e lema internacional ta “SEA ACTIVO TUR DIA”