Sra. Gwendoline (Wendy) Kock ta wordo horna como un “Amigo di Santa Rosa” como un dama Piscado y sumamente activo den tur competencia y actividad di pesca Na Aruba. Alavez nos ta elogie como e prome dama cu a cruza lama, demostrando su balentia y determinacion pa locual e kier logra.
Rudolfo Roberto (Robby) Schwengle ta wordo honra como un “Amigo di Santa Rosa”, pa su trayectoria como un Criador di Bestia hopi conoci den e area si Butucu y Kende apesar di su responsabilidad y horarionan largo na su trabou, semper a keda activo como Criador y un persona hopi respeta den e mundo di Criansa na Aruba.
https://www.facebook.com/masnoticia/videos/975826012778131/
Sr. Sherman Libiee ta wordo honra awe como un Criador di bestia hoben y sumamente determina pa sigi hiba Criansa di Bestia pa dilanti. Un persona cu semper ta cla pa duna un man na otro Criadornan y un role model pa otronan cu tambe ta desea di inicia cu e Ofishi aki.
Premio Mérito pa Bida Ta un reconocimento cu pa prome biaha ta wordo presenta. Ministerio di Sector Primario y Santa Rosa ta reconoce esnan cu tin un trayectoria largo y cu a sa di destaca den nan esfuerzo y dedicación den e practica, sostén desaroyo y respet cu nan a sa di gana di henter e pueblo Arubano. Pa e motibo aki cu Minister Chris Romero tin e grato placer y honor pa reconoce 3 persona cu a logra pone un sello di excelencia ariba nos Sector Primario y cu awe nos ta celebra nan dedicación y logronan cu henter nos comunidad. Nos kier a gradici tambe nos Artista local, Sr. Mo Dechi pa traha e bunita pieza nan di arte pa tur tres sector den un forma único.
Sr. Juan Alberto (Bebe) Croes ta ricibi su “Premio Mérito pa Bida como Agricultor y Horticultor”. Sr. Bebe Croes manera tur hende conoce, ta un Amigo di Santa Rosa, Cu di chkito a inicia cu e practica di Agricultura y te awe, apesar di su Salud delicado, ainda ta cla pa juda cualkier Cunukero of hoben cu conseho y tips con pa mehora nan plantacion. Sr. Croes ta un hende semper positivo y semper a sa di sobrepasa cualkier contratiempo den su cunucu door di sigi educa su mes con pa mehora y saca miho probecho pa su famia y clientenan. Awe pa motibo di su Salud delicado, e no por ta presente pero su Yui muhe Sra. Glenda ta ricibi e premio den nomber di su distinguido tata Bebe Croes. E premio ta traha den palo y un cu su chapi cual ta representa e herment principal pa tur Agricultor.
Sr. Andrés Larez ta recibi su “Premio Merito pa Bida como un Piscador“, como un Piscador ehemplar den nos comunidad”. Alavez Sr. Lares ta un Cunukero cu a sa di cosecha hopi Maishi Rabo durante su transcurso como Agricultor activo. Su premio a wordo traha den palo cu su anker di hero y su Hal, ilustrando dos herment valioso pa tur Piscador.
Sr. Romulo “Rumbo” Geerman ta ricibi su “Premio Merito pa Bida como Criador di Bestia”. Sr. Romulo ta un persona sumamente conoci pa su caracter fuerte pero cu un curason di oro. Un persona hopi determina y cu nunca a laga nada stroba su pasion pa Criansa di Bestia na Aruba. Sr. Geerman ta un Criador cu semper ta cla pa yuda Otronan cu conseho y ora mester reclama pa trece mehoracion, e ta cla pa aporta. Nos ta sigur cu awe nochi lo tin un strea briyando cu extra luz den shelo, mustrando su alegria. Sr. Geerman su premio ta den forma di un sombre cual e ta asina conoci pe dorna cu cacho di Cabrito, ilustrando su amor pa Criansa di bestia.