Diahuebs atardi bahada di solo habitantenan di Macuarima a scucha un desordo basta duro mes y a constata cu e coriente na cas a haci straño y ora a bay wak a constata cu un truck lastrando un backhoe riba un lowboy a ranca por lo menos 4 pal’i luz y casi 7 pal’i luz a keda afecta.
Polisnan di biaha a presenta n’e sitio y a cera e caminda di tur banda debi cu tabatin kabelnan di coriente benta abou tur caminda. Personal di Elmar a presenta di biaha n’e sitio y a constata cu e brasa di e backhoe ariba a ranca un kabel di setar cu tabata colega y aki a ranca un cantidad di kabel y a benta e cuatro postenan abou.
Un auto a keda afecta caminda e kabelnan di coriente a keda pega abou. Te ora cu personal di Elmar a kita kabelnan e pareha den e auto por a move e vehiculo.
Personal di Setar tambe a presenta pa pone su mes na altura y notifica e personalnan pa presenta cu truck y mira tur e kabel kico a keda intacto.