TLAXCALA, Mexico- Babysitter acusa di a scop dos ruman morocho di dos aña, Lisa N., a wordo haya morto den su cel. E caso a bin dilanti despues di cu’n video a bira viral dia 6 Maart unda ta mustra claramente con e babysitter tabata maltrata e muchanan.
Despues di e difusion di e grabacion, e muhe a huy, te ora cu el a wordo deteni den e estado Mexicano di Tlaxcala, segun medionan di prensa Mexicano a informa.
E babysitter a wordo interna den e Centro di Readaptacion Social di Apizaco y tabata cera den e area femenino. Diaranson mainta nan a bin hay’e colga den su cel.
Jose Aaron Perez Cano, procurador general di Tlaxcala, den un conferencia di prensa a informa cu “mirando e sucedido, tur cos ta mustra cu ta trata di un siudicio, cual, mi ta insisti, nos ta lamenta profundamente”.
El a afirma cu ya nan a cuminsa cu’n investigacion y na e momentonan aki, ta realisando tur e diligencianan necesario.
E funcionario a indica cu, Lisa N, despues di a wordo admiti den e centro penal, e no tabata tin contacto cu niun otro persona.
E babysitter a wordo deteni pa maltrato di dos ruman morocho, despues di cu e mayornan a instala varios camara cu a registra con e tabata golpia e muchanan.
Fuente: http://www.elimparcial.com/