E momento teribel a keda graba pa un camara di seguridad di e hospital. Un baby di tres luna a sufri un teribel caida for di un “couveuse” den un hospital na Brazil. Pa descuido di e zusternan e cos aki lo a sosode. E video a keda registra pa un camara di seguridad di e hospital y por mira con e enfermera ta hinca e baby den e “couveuse” y ta bira bay sin ripara cu e baby a cuminza sapatea te ora cu e porta a habri y el a sali cai riba su cabez. Prensa a indica cu, como consecuencia di e caida e baby a sufri un hemoragea na su cabez y el a fractura su schedel. Mayornan di e baby a pidi un suma pa daño y perhuicio for di e hospital despues di a wak a video aki. Aunke cu e video aki a bira conoci awor numa, e hecho a sosode den luna di Mei y actualmente e baby ta den bon estado di salud y sin mucho rastro di e heridanan cu el a ricibi.