BRASIL – E enfermeranan di un hospital di Brasil, tabata prepara un recien naci pa dun’e e prome baño di su bida. Tur cos a transcuri cu normalidad te ora cu e baby, sosteni na pia pa un di e enfermeranan, a simula cu e tabata dal paso entre exclamacionnan di asombro. Solamente a transcuri 20 minuut desde e parto, El Pais a informa.
Babynan normalmente ta cuminsa cana rond di e prome aña di bidam, pero loke a sosode no ta straño y tin un splicacion. E ta conoci como refleho di marcha y ta comun den mayoria baby aunke normalmente e no ta aparece te cu algun dia despues. E ta consisdi cu ora cu wanta un recien naci den posicion vertical y su pianan ta drenta den contacto cu un superficie duro, e ta rek e pianan y ta move mescos cu ta cana e ta cana.
E refleho primario aki ta perde rond di e di tres luna. Tempo despues e chikitonan ta purba di dal nan prome paso, pero ya nan no ta haci’e door di un estimulo automatico, sino pasobra nan kier desplasa cu algun fin (por ehempel, yega na algun obheto of na algun persona). E video, comparti riba Facebook, a bira viral y ta suma desde diahuebs ultimo, mas di 87 miyon di reproduccion.
Fuente: www.eluniversal.com