BARANQUILLA, Colombia – Na september Monica Vega a haci un echo durante cu e tabata shete luna na estado di su di tres yiu muhe. E resultado di e echo aki a lag’e asombra y conmovi. Imagennan di e echo tabata mustra cu den su bariga tabata tin su yiu muhe, Itzamara, pero den bariga di Itzamara tabata tin un feto mas chikito, cu su mesun lombrishi y rondona door di likido amniotico.
[embedyt] https://www.youtube.com/watch?v=NamGsZdf03Y[/embedyt]
E caso aki a tuma luga den e ciudad di Barranquilla, Colombia y a wordo difundo pa e programa di television local Los Informantes, di e cadena di television Caracol. E hecho sin precedente aki ta un alteracion straño den e desaroyo embrionario yama “fetus in fetu” of “morocho parasito”. E ta un fenomeno cu ta keda produci ora cu un di e celnan cu forma e rumannan morocho no ta split na e momento adecua y e dos embryonan di crece di manera asimetrico. Ta trata di un alteracion cu masha poco sa pasa, un den cada un miyon di caso.
Loke ta haci e caso di Itzamara un fenomeno unico na mundo, ta cu el a wordo descubri den un etapa prome cu su nacemento. En general, e feto chikito aki cu ta forma den curpa di su ruman ta wordo descubri ora cu e mucha nace caba, incluso algun aña despues, ora cu e ta wordo confundi cu’n tumor, te ora cu e wordo opera y descubri cu ta un feto.
Dokternan a dicidi pa Itzamara nace via operacion den su di 37 siman di gestacion, ya cu no por a warda te siman 40. Esaki ta door cu e “ruman” den su bariga tabata sigui crece y por a forma un peliger pa salud di Itzamara.
Fuente: https://noticiassin.com/bebe-nace-embarazada-de-su-hermano-gemelo-y-asombra-al-mundo-cientifico/