BELFAST, Northern Ireland- Ora cu e ser humano ta kere cu el a wak tur cos caba, ta bin situacionnan cu ta supera e percepcion aki, cu ta pone cu bo ta perde fe den humanidad.
E siguiente ta husto loke a sosode na Annalong, Condado di Down, na Belfast, Northern Ireland, ora cu’n homber edi 25 aña a wordo aresta pa supuestamente a viola un baby di solamente 2 siman di naci. Dokternan di e Royal Belfast Hospital for Sick Children, a confirma cu e baby tin lesionnan grave na su curpa y tur cos ta indica cu e ta victima di violacion, na su edad chikito aki.
E informacion riba e caso aki ta schaars, debi na pretextonan legal cu ta impedi na revela e identidad di e suheto y e parentesco cu e menor. Pero portalnan informativo na Reino Uni, entre cual Daily Mail y Mirror, a publica riba e agresion horibel aki, presuntamente cu a sosode dia 29 di september.
E acusado ta den prizon despues di a aparece den corte di Armagh dia 2 di october ultimo. E lo mester presenta diaranson otro siman pa responde na e acusacionnan aki, di delito di violacion y lesionnan grave contra di un menor, bou di e ley cu ta castiga e hecho ora cu ta trata di menornan di 13 aña.
Dokternan ta Intensive Care Unit di e Royal Belfast Hospital, entre tanto, dokternan ta concentra den duna atencion necesario na e recien naci, cu ta den estado delicado debi na e lesionnan grave na su zona genital.