Baby recien naci casi ta muri despues di a wordo contagia cu herpes

Un baby recien naci casi ta muri despues di a haya herpes a trabes di un sunchi ricibi e dia di su bautiso.
Na September di aña pasa, ora cu Noah Tindle tabata tin solamente cuater siman di edad, su mama, Ashleigh White, di 21 aña, a ripara cu e wowo banda drechi di su yiu tabata hincha y tabata basha awa constante. E hoben, di Barnsley, Reino Uni, a hiba e mucha hospital di biaha unda cu el a wordo diagnostica cu’n infeccion di herpes simpel (HSV-1), conoci como “ e sunchi di morto”, The Daily Mail ta reseña.

“Noah no tabata tin keintura, e tabata sigui come manera cu mester ta y tabata orina hopi, dus mi no tabata sospecha di nada”, Ashleigh ta recorda. “Pero algun dia despues, mi a ripara cu e tabata tin manera fret rond di su wowo y mi ta lesa ariba Facebook tocante un otro baby cu tabata tin e virus y tambe tabata tin fret rond di su wowo”.

Dokternan a pensa cu Noah lo a ha7a e virus a trabes di un adulto cu a dun’e un sunchi na su cara y lo a pasa e virus pa e baby, provocando cu e baby aki casi ta perde su bista den un banda di wowo. Ashleigh ta pensa cu lo el a haya e virus durante un bautiso na cual nan a asisti cinco dia prome, “unda cu amigoann a brasa y sunchi Noah”.”E por tabata cualkier di nan”, e muhe a bisa.

Afortunadamente, e virus a keda detecta prome cu el a drenta den e adernan di Noah, pero toch e baby no tabata por a habri su wowonan y tabata den estado critico durante varios dia. Na maart el a bolbe haya un brote, cual ta nifica cu e lo mester ricibi tratamento pa sigur nuebe luna mas.

Noah, cu a cumpli 9 luna di naci, a pasa 10 siman den hospital ta recupera y mester sigui tuma tratamento antiviral te cu 2020.

Comments

comments