E baby a wordo haya pa un homber kende a bai bishita e graf di su yiu den e mesun santana. E baby recien naci a wordo haya bibo y e ta den “bon estado” di salud. E caso aki a sosode na India. Mediconan cu a samina e baby a bisa cu e mucha ta den bon estado di salud aunke ya delicado pasobra el a nace prematuro pero mientrastanto polis a inicia un investigacion pa haya e mayornan di e baby aki. E baby a nace prematuro y tabatin apenas ocho dia di naci y tabata pisa 1.1 Kilo na momento cu el a wordo haya. E region Uttar Prudesh, cu ta keda den parti norte di India, ta un di e regionnan mas pober di e pais, ta caminda e baby a wordo haya. Ravi Khanna, un di e dokternan cu a samina e baby a indica cu e mucha ta “for di peliger” y su peso a subi drasticamente. Tambe e ta respondiendo bon na remedianan cu ta dune y e ta come bon tambe. Polis ta investigando den pueblonan sercano na e luga pa determina si tabatin muhernan na estado y cu a duna luz p’asina haya e mayornan di e baby aki. E caso ta wordo considera un intento di asesinato y pesey mester busca mayornan di e mucha y pa despues determina kende a haci e acto horendo aki.