Diahuebs mainta trempan un situacion fastioso a pasa na Pasa dushi pasa pret peuterschool na Wayaca, momento cu e persona cu ta cuida muchanan a constata cu un baby a stop di hala rosea. A bati alarma unda a mobilisa varios unidad di ambulance rapid responder y hasta hefe di ambulance a presenta pa cuminsa cu e trabounan necesario di reanimacion. Polis tambe a presenta pero debi cu e situacion tabata delicado pa e criatura mucha homber cu a stop di reacciona a bay cune hospital cu urgencia asina mes bou reanimacion. Na yegada na hospital dokter di mucha a constata cu no por haci nada mas y pa 9:20 a constata morto di e baby N.E naci na Aruba di 4 luna. Recherchenan di JZP a presenta na e sitio pa cuminsa cu un investigacion amplio na e sitio. E personal di e crece mes momento a cuminsa yama mayornan pa busca nan yiu.