TEXAS, Merca – Un baby di 10 luna a wordo haya diahuebs ya sin bida y ta teme pa tres otro inmigrante lo a hoga despues di cu e barco chikito den cualnan tabata ta, a bolter den e Rio Grande (Bravo). Esaki a sosode ora cu nan tabata purbando di crusa e frontera di Mexico pa Merca, segun autoridadnan a informa.
E personanan cu a disparce ta un mucha homber di 7 aña, un otro di mas o menos e mesun edad y un homber adulto.
Inmigrantenan hopi biaha ta purba crusa e riu, principalmente den barconan chikito y fragil, sin ekipo di siguridad. E coriente por tin un nivel cu por gaña hopi hende y na un gran velocidad.
Agentenan di e Border Patrol a haya un inmigrante rond di 9 or y 45 diaranson anochi cerca di e Del Rio, Texas. E homber a bisa e agentenan cu’n embarcacion den cual nan tabata biahando a bolter. E coriente a bay cu e baby y tambe un sobrino, como tambe un otro menor mas y otro adulto.
Agentenan a scucha gritonan di e casa y di un otro yiu, den scuridad. Nan a wordo saca cu bida for di e awanan pantanoso, segun informe preliminar di e incidente elabora pa un di e oficialnan.
Otro homber y su yiu di 13 aña a wordo rescata den e cercania, segun e oficial. E menornan a wordo hospitalisa pa observacion.
Agentenan na frontera cu ta busca esunnan cu a disparce, a haya e baby, segun un di e oficialnan.