OKLAHOMA, Merca – Un baby di nos mas di tres luna, a wordo laga bandona den un stoel di baby na skina di un caminda na Oklahoma, compaña solamente di 5500 dollar cash y carchinan di identificacion.
E hayasgo a wordo reporta durante e atardi di diasabra pa miembronan di un grupo religioso cu tabata biniendo di un excursion den un parke.
“Mi ta sinti cu Dios a uza nos grupo di hoben pa salba bida di un hende e diasabra aki,” pastoor di Abba’s House of Worship Center, Ken Angel, a bisa e cadena Fox.
Tabata e conductor di e truck cu a mira e sienta prome riba e Interestatal 40 y a stop.
Fuente: www.laopinion.com