Den luna di Juli, AZV y boticianan lo cuminsa cu un campaña pa e tema di remedi pa cual esaki ta e suministro di prome biaha cu e pashent ta haya remedi den botica. Mulene Bernadina, kende ta un boticario, a splica cu esaki ta un colaboracion di AZV y VVAA. E prome suministro, ta unda cu e pashent ta haya remedi pa prome biaha. E ta haya un splicacion con e remedi ta traha, con e mester uz’e, y tambe e efectonan secundario. E pashent lo haya suficiente informacion pa asina e por uza e remedi safe y corectamente. Banda di esey ta importante pa no dispidi di remedi. E pashent lo ricibi e remedi pa un luna pa wak con e curpa ta reacciona cu e remedi.
E ta sigui splica cu pashentnan ta ricibi remedi pa tres luna, dus e por pasa cu e dosis por subi of baha of e remedi no ta bay bon cu e pashent, cual ta haci cu e mester stop cu e remedi, dus e remedinan ta wordo dispidi.
Si e remedinan a caduca, mester trece esaki botica y nan lo percura pa nan wordo distrui.
Si tira remedi di bari di sushi, cualkier hende por coba aden y coy remedinan cu a caduca of cu no ta bon mas y esaki por trece peliger pa e persona mes, segun Bernadina.