Awor cu sala di operacion di hospital ta falta di material pasobra no tin Fondo, e critica a cay riba AZV pa cual, papiando cu Solange Tchong, vocero di e organo, ta splica kico ta e rol di AZV den e caso aki.
E ta splica cu como AZV a tuma su responsabilidad pa loke ta e parti aki. En berdad a papia na varios ocasion pa loke ta e situacion di e salanan di operacion. Actualmente ta asina cu AZV por a compronde di hospital cu e ta wordo uza por ehempel te cu 3’or di atardi y ta kere cu como AZV cu tin toch espacio pa amplia e orarionan aki cu ta haci uzo di e sala di operacion.
Tchong ta agrega cu ta pensa cu si mira e desaroyonan, ta asina cu berdad algun di e specialismonan ta enfrentando e mesun reto ey. Por a ripara cu algun area, e tempo di espera toch, manera algun cliente tambe ta señala, a mustra cu por ta un tiki largo y vooral e parti di ora ta referi operacion. Ta papiando specificamente e parti di specialismo di wowo, esta operacionnan di wowo y tambe e keel, neus en oorarts. Tambe ta esunnan cu a enfrentando e reto aki y AZV di su banda a papia cu hospital. A pidi nan pa wak ki manera por soluciona esaki y AZV ta dispuesto pa duna e colaboracion na unda cu por amplia e orarionan cu e sala di operacion ta wordo uza pa asina por bisa atende mas cliente, atende mas pashent di modo cu e ora ey vooral e area aki ya menciona, cu esakinan por wordo yuda mas lihe. Ta importante pa menciona cu AZV a evalua e parti pa bin wak si falta specialismo y ta kere cu loke ta e keel, neus en oorspecialist, e ta uno cu tambe ta pensa cu lo ta bon si AZV y hunto cu hospital, amplia e specialismo aki.