Temporada di vakantie ta den porta y hopi di nos hendenan ta bayendo cu vakantie. Pa esaki AZV ta cumins ana recomenda tur hende pa tuma nota di tur e diferente vacunanan cu tin. Tin algun pais cu ta exigi esaki. Sra. Solange Tchong, vocero di AZV ta splica.
AZV ta keda recomenda pa cumpra un seguro di biahe ora di bay cu vakantie. Esaki ta cubri gastonan di un malesa inespera of un accidente inespera ora cu bo ta cu vakantie. Esaki a bira awendia hopi accesibel tambe. Tin diferente companianan di seguro priva cu ta haci nan mercadeo ariba esaki, y ta haciendo esaki hopi mas accesibel. Ta haya polisanna cu por cumpra cuminsando for di 7 florin te cu 18 florin pa dia. E cliente por scoge diferente seguronan di biahe. E pakete ta cubri gastonan di p.e. Di perde maleta pero tin tameb kico ta e gastonan ora di un malesa of accidente.
E paketenan cu e companianan ta bende, tin diferente suma cu nan lo cubri den caso di un eventualidad. Un biaha mas, AZV ta recorda tur hende cu ta bayendo den exterior, ta bon pa tur hende cumpra un seguro di biahe.
AZV mes no ta bende un seguro di biahe, pero si ta recomenda pa tur hende busca un seguro di biahe, pa ora di bay den exterior. Te asina leu, Sra. Solange Tchong, cu e relato.