AZV tambe ta vigila e situacion na hospital, nan tambe ta ricibi clientenan cu ta entrega nan reclamo na AZV, sea telefonicamente of por escrito. Dos nan tambe ta na altura di kico ta biba den comunidad.
Sra. Solange Tchong, vocero di AZV a splica cu como AZV ta bon pa aclaria kico ta e diferente funcionnan cu cada organisacion tin. AZV ta cumpra cuido medico na hospital. Y hospital na su turno ta zorg pa busca empleadonan, di personal pa traha den hospital. Loke ta hopi important ap cada persona compronde, ta cu AZV ta e seguro, e ta cumpra e cuido medico cerca e dunadonan di cuido, e proveedornan. Sin embargo, e responsabilidad pa busca e profesionalnan medico ta keda toch den man di hospital mes.
AZV ta monitor pa cosnan no escala. P.e. na varios ocasion caba den pasado, hunto cu’n grupo di stakeholder cu hospital y IMSAN ta traha e Manpower Plan., ta pone atencion ariba esaki, y banda di esey, aunke cu AZV su rol ta e contract cu hospital, e pago di e diferente servicionan cu hospital ta duna. Toch AZV na varios ocasion tambe, a duna un parti extra di su banda, pa bisa cu nan tambe ta yudanan den bin den contacto cu diferente profesionalnan medico di afo. Ta manda informacionnan, unda cu nan tambe por busca e profesionalnan medico aki, pa nan haya e tipo di specialistanan cu nan ta rekeri di dje.
No ta asina cu AZV no ta monitor e situacion, al contrario esaki ta sosode diariamente. Nan tambe ta enfrenta e mesun retonan cu otro luganan ta enfrenta. Esey ta algo cu nan ta pone atencion na dje. Regularmente nan ta den combersacion cu nan, pa asina mehora e servicio. Berdad, ta asina cu ultimo momentonan a compronde cu SEH a haya su mes envolvi cu hopi pashentnan cu a mustra agresion, sea verbal of fisico. Pero e ta asina si cu AZV ta kere toch cu hopi cos por yuda mas, si e ciudadano duna mas di su banda. Es decir, percura pa cada dunado di cuido tin e hende capacita pa papia cu’n bon manera, duna e informacion corecto y bon informacion di e tratamento cu lo wordo ricibi.
Na SEH ta mas importante pa tin personanan cu tin hopi amor pa pashent, pa hende pa por yudanan. Ta hopi importante pa distingui e rolnan atrobe. No pensa cu door cu AZV ta pagado, e ta djis paga y nada mas. AZV ta cumpli cu e tarea di yuda hospital, pero na final di dia esun cu ta finalmente responsabel pa percura pa haya tur e profesionalnan medico den servicio di hospital, ta keda hospital. Esaki cu na e momento ey tin e rol di dunado di trabao. Y e tarea di AZV ta pa percura pa busca e profesionalnan cu tin mester.