AZV ta e organisacion cu ta cumpra cuido medico pa su aseguradonan. Pa tipo di cuido cu no por tuma luga na Aruba, AZV ta cumpra e cuido adecua na Colombia, Corsou, Hulanda of Merca. Na Aruba mes tin solamente 2 instituto unda AZV por cumpra cuido medico y esey ta dr. Horacio Oduber Hospital (HOH) y Instituto Medico San Nicolas (ImSan). Hunto cu HOH, AZV ta traha un manpowerplanning pa sa cuanto specialista medico tin actual y cuanto ta bin adicional e añanan benidero. A base di e manpowerplanning aki, AZV ta pone un budget disponibel pa HOH y ImSan por contracta e specialistanan necesario.
Enfin, AZV ta responsabel pa cumpra e cuido y HOH y ImSan ta esun responabel pa suministra e cuido.
Vacatura
Actualmente tin diferente vacatura na Aruba pa specialista medico. Tin luga pa:
oncologo;
ginecologo; pedriatra;
KNO;
intensivista.
Mester ta cla cu no tin niun drempel financiero pa e vacaturanan di e specialismonan akiriba menciona ta wordo yena. E budget tey, pero HOH no a contracta dokternan fiho ainda.
Reemplasante temporal
Logicamente e demanda pa cuido medico ta keda existi. Pa yuda e pashentnan tanten, HOH ta busca dokternan reemplasante cu ta bin Aruba pa un periodo cortico te ora un dokter fiho ta wordo contracta. Esaki no ta un situacion optimal pa e pashent, especialmente ora ta trata un malesa serio manera cancer. Sin embargo, manera anteriormente menciona, e ta necesario si pa e continuidad di cuido.
Monitoria
For di november 2018 AZV ta vigila e situacion minusioso y ta reuni frecuentemente cu HOH como esun primeramente responsabel pa esaki.
1
Comunicado 20 di maart ‘19