Tur aña AZV ta duna informacion tocante nan servicionan den nan tres oficinanan, situa na Noord (MFA building), Oranjestad (Oficina Principal) y na San Nicolas. Sra. Solange Tchong,vocero di AZV ta amplia.
Den luna di october, AZV a duna 3623 servicio duna, compara cu e luna anterior, esey tabata 5108 servicio brinda. Dentro di esaki, tin e grupo cu mester renoba nan zorgpas. Pero tambe mester conta tur e otro servicionan cu AZV ta brinda, den e lunanan mas druk di aña cu ta e lunanan tras di lomba. Ta lunanan unda cu por cambia di dotker di cas, botica. Esey ta e piek mas halto compara cu otro lunanan cu ta vario entre 3500 pa 4 mil servicio. E no ta kita afo, cu manera tur hende sa, cu a cera un aña rond di 45 mil servicio, entre e 3 servicionan. Hopi di e aseguradonan ta sigui haci uzo di e oficina principal na Oranjestad. Sin embargo, por wak tambe toch cu aworaki un fluho ta cuminsa bay mas na AZ Noord y San Nicolas, cual pa AZV ta un satisfaccion, ya cu nan kier pa esunnan di pariba di brug por haci uzo di e serviciionan di ofician di San Nicolas y esunnan di e region di Noord, por haci uzo di e servicio di AZV na e oficina di Noord.
Pa loke ta servicio di AZV na 2018, e lo bira probablemente un 40 pa 45, 48 mil servicio total duna na rond di 108 mil asegurado. Loke si ta spera ta cu algun cos lo por mehora, tin aworaki mas y mas e intento di busca mas dokternan di cas. Esaki ta un discusion tumando luga pa hopi tempo caba, pa busca e posibilidad pa negocia cu e asociación pa haya mas dokternan di cas, ya cu toch ta haya e señal tin mas necesidad na e ampliacion di e prome liña di cuido. Y kier wak pa mehora esaki.
Banda di esey, Sra. Tchong a bisa cu tin dos estudio andando pa wak cual ta e area cu merece mas atencion. Un di nan ta cu semper e hendenan a bisa cu si por wak mas miho si por sigui cu p.e. , e parti di yama mainta y haya afspraak pa e mesun dia. Pa loke ta e serivcio, esaki ta mustra satisfactorio. E ta mustra bon, y pa fin di aña lo tin miho bista si el a mehora compara cu aña pasa, pero te aworaki a logra di duna e servicio na e publico, manera a planifica.
