AZV ta informa comunidad di Aruba cu entrante 3 di december 2018 no por haci uzo mas di e servicionan di AZV na nos oficina na Rumbastraat 21, Oranjestad pa motibo cu e ta bay ta temporalmente cera pa publico.
Edificio di AZV na Rumbastraat 21, Oranjestad ta bay pasa den un periodo di renobacion y ponemento di airco nobo, cual impacto di e trabounan aki ta asina grandi cu AZV Oranjestad mester cera temporalmente pa publico.
https://www.facebook.com/masnoticia/videos/1936482723109412/
E ceramento temporal aki lo dura di 3 di december 2018 te cu 31 di januari 2019. Nos ta pidi comprencion di parti di tur asegurado pa cu esaki.
Unda pa acudi pa servicio di AZV?
Pa servicio e asegurado di AZV den e periodo di 3 di december 2018 te cu 31 di januari 2019 por acudi na AZV San Nicolas (den Instituto Medico San Nicolas) of AZV Noord (den edificio di MFA). E orario di servicio na AZV San Nicolas y AZV Noord ta di 7:30 –
16:00 or ‘nonstop’.
Excepcion: casonan pendiente pa bay exterior
Ta di suma importancia pa tur asegurado di AZV compronde cu solamente e aseguradonan cu tin afspraak cu AZV pendiente pa nan biahe pa exterior, nan lo ta e clientenan cu lo wordo yama door di AZV pa haya un cita cu AZV. Nan mes lo dirigi e cliente tambe unda dus na cua kantoor lo duna e servicio.
Pues, pa esnan pendiente di nan biahe y tratamento medico den exterior esey ta nifica cu AZV mes lo yama e asegurado y traha afspraak pa inform’e unda e mester pasa pa haya su documentonan.