Manera AZV a anuncia siman pasa, un situacion fastioso a surgi pa clientenan di AZV ora cu pilotonan di e avion comercial Avianca a cuminsa welga masalmente y causa cu mayoria vuelo pa Bogota y Cali a wordo cancela. Consecuentemente AZV a hay’e ta regla algun charter pa asina por sigui brinda e servicio di cuido medico na Colombia. Ta asina si cu tur dia ta evalua tur e casonan cu tabata pendiente y ta duna prioridad na esunnan mas urgente. Incluso AZV a haya su mes obliga di manda algun pashent sin acompañante social.
Meta primordial ta pa e pashent haya su cuido medico y despues lo wak con ta haya vuelo pa manda e acompañante social. Pero entre tanto tin hopi mas cooperacion di Avianca, kende ta haci tur posibel
pa toch duna e clientenan di AZV preferencia. Tur dia ta tene contacto directo cu Avianca pa asina evalua cuanto cliente di AZV (pashent) ta sali rumbo pa Bogota, Colombia. Na mes momento ta percura tambe pa algun cu ta cla, regresa Aruba.
E situacion na Cali tambe ta dificil ya cu no tin suficiente vuelonan disponibel. Actualmente AZV ta treciendo pashentnan bek pero no ta tur por regresa pareu. Ta pidi encarecidamente na tur cliente e pasenshi pero ta sigura cu ta sigui busca un solucion mas concreto.