Pa locual ta e carchi blauw di AZV cu nos tur conoce, a wordo dicidi desde aña pasa 12 December 2019 riba Universal Health Coverage Day tabata un dia na unda AZV a introduci e Digi Zorgpas. Kiermen por medio di download e app di AZV, bo por registra bo mes pa haya un carchi di AZV digital cual ta bay ta e futuro di AZV ora tur zorgpas caduca, cual por mira un grupo lo ta na 2028 y otro na 2029. No ta bay existi un carchi di plastic mas manera nos tabata tin custumber te aworaki na AZV.
“Den e momento ey si nos ta bay for di e punto di bista cu tur cliente a tuma nota cu nan por download e AZV App pa asina ey nan por tin nan Digi zorgpas semper hunto cu nan den nan celular”, vocero di AZV Solange Tchong ta splica MasNoticia.
https://www.facebook.com/masnoticia/videos/362649391528219/
AZV ta yudando tur cliente manera normal pero e ta bay via servicio online, pues ta recorda tur hende pa bay riba pagina di Facebook of website www.azv.aw na unda bo por haya tur informacion.
Gran mayoria di empleado di AZV ta trahando for di cas unda nan a duna servicio for di e prome ola di COVID19. AZV a habri pa un periodo chikito pero den cuadro cu siguridad di trahadonan y clientenan a dicidi pa tog bay bek over na servicionan digital pa evita aglomeracion na edificio di AZV.
Pa mayornan of mamanan hoben cu a caba di haya baby, nan por acerca AZV via nan servicionan di email pa haci registracion di nan baby, di cual loke ta importante ta pa nan percura pa tin un registracion na CENSO prome, anto a base di esey nan por manda AZV un scan di nan mes y potret di nan baby pa AZV percura pa registra nan baby.
E servicionan di AZV a sigui Online, ta recorda clientenan cu si tin mester di AZV pa email nan riba [email protected] cual ta email specificamente pa informacion pa cliente. Tambe si tin cualkier pregunta por manda esakinan riba [email protected] cual ta e dos email mas hopi uza pa inscripcion of pa cualkier pregunta pa AZV. Tambe por yama riba 527 9900.
