Edwin Jacobs cu ta e director di AZV a anuncia un momento importante pa Aruba. A firma e prome contacto cu e fundacion nobo cu ta yama Stichting ABO, Aruba ta uni su mes n’e fila di paisnan den region cu tin un programa y pakete di programanan di detectacion di cancer na nan luga.
Nos a keda un poco atras pero diamars mainta manera nos firma pa e dos programa nobo y nos ta uni pa e filanan aki y e paso aki ta un paso cu Aruba y AZV ta confirma su compromiso y aspiracion pa yega na nivel di paisnan mas desaroya cu nos pa loke ta trata programanan cu ta evita malesa despues.
Sticthing BOB foi 2012 ta haciendo un tremendo trabou sr Edwin Jacobs a menciona, unda nan programacion ta pa detecta trempan cancer di pecho, y asina AZV a bira partner di BOB y den nos organisacion a bin pa sigui amplia paketenan pa detecta cancer. Pa motibo di COVID no por a sigui cu esaki di biaha y na 2022 cu a lanta cabes bek pa e pensamento y pa 2024 a logra cera un convenio tripartiet entre Gobierno, Stichting Bob y organo ehecutivo un convenio pa transforma Stichting BOB den un fundacion nobo, Stichting ABO y e compromiso di AZV pa financia dos programa nobo di detectacion trempan di cancer esun di cancer di tripa y cancer na boca di matriz.
Edwin Jacobs a bisa dicon e ta importante, segun estadisticanan di organisacion mundial di salud e di dos cancer mas comun na mundo ta tripa y e ta e di tres causante di morto di hende pa motibo di cancer, y cancer na boca di matris ta e di cuatro cancer mas comun na mundo pa cu hende muhe, tur ta cancernan si bo detectanan trempan bo por evita hopi problema den futuro y tratamento costoso y un impacto grandi riba bida social di e persona. Esaki ta e motibo cu paisnan ta cuminsa cu e tipo di programanan aki, y nos ta aspira pa mas programa prome cu 2030 cu tin cu yuda preveni malesanan presenta na edadnan mas leu di ser humano.
