Receptie nobo ta un proyecto pa yega mas serca di nos clientenan, pa asina nos por duna miho servicio y miho informacion.
Otro proyecto ta e Aruba Health Fair, cu pa prome biaha ta organisa un evento asina grandi enfoca riba salud. E evento lo tuma lugar dia 8 di juni proximo, riba un diasabra, di atardi te cu 11’or di anochi na AZV Square garden ful rond di e edificio di AZV. Mucha te cu 15 aña ta drenta gratis acompaña pa un adulto y adulto ta paga solamente 5 florin. E ta un evento pa tur hende unda lo duna informacion y tayernan practico, por ehempel ; con bo ta cushina saludabel.
Tambe ta bay tin :
− Actividad di ‘’dunktank ‘’ cu personanan clave
− Entretenimento bibo cu bandanan local
− Stands cu cuminda y bebida saludabel
Meta di e evento ta pa duna informacion y duna oportunidad na otro organisacionnan brinda informacion y prevencion.
Nos kier a duna un danki na ful e team cu ta trahando duro pa organisa e evento aki y tambe un danki na nos sponsornan cu e brinda nan sosten na e evento di Aruba Health Fair 2019. Sin e team y sin e sponsornan, e evento aki no lo ta posibel.