Dianan 14 pa 19 di October proximo, Arubaanse Zwembond lo organisa un otro clinica pa su coachnan e biaha aki den landamento sincronisa. Specialmente pa e ocasion aki lo trece un experto Mericano den persona di Tammy McGregor pa guia e curso aki.
E curso lo ta uno di nivel intermedio y lo tin un duracion di seis dia. E participacion lo gratis mientras lo haci uzo di Surfside Marina pa duna e curso aki. Durante di e seis dianan di curso e participantenan lo por spera un programa extenso riba e parti tecnico y tactico di landamento sincronisa. Mirando e programa esaki ta reparti den varios seccion, categoria, parti tecnico y tactico, rutina, ehecucion y planificacion, coaching, ect . Pa tres dia lo traha riba e figuranan den e categorianan di edad -12/Under, 13-15 y Junior unda lo orienta riba drills, planificacion y entrenamento.
Un danki sigur na Lotto, e Loteria di Aruba pa medio di Comision di Subsidio cu a subsidia e curso di AZB “FINA coaches clinic” den landamento sincronisa cu experto Mericano Tammy McGregor.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.