Awor lo purba pa lanta bek despues di basta siman, si no logra recupera mi lo sera e negoshi pa semper

Comerciante den Caya Betico Croes, caya grandi di Aruba den un entrevista e señora ta informa despues di cinco siman nos ta habri bek, anto e sintimiento ta malo, nos no tin entrada nos tin cu paga banco, seguro, empleado, utilidad y mas. Cu ki entrada nos tin cu paga esakinan e señora ta menciona. E simannan tras di lomba nos a haci parti di administratie na cas y traha obra di man pa bende pa asina sobrevivi pero cos no ta pinta bon y nos tin cu paga huur y tur belastingnan. Pero den fin di siman bo ta hayabo cu hendenan banda di caminda ta bende obranan di man y anos tin cu paga huur di negoshi pasobra ningun hende ta bin den caya.

Nos lo purba pa habri dos pa tres siman pa wak con e situacion ta bay, manera tur hende sa nos ta un negoshi di libreria y tur e supermarketnan ta bende loke anos ta bende y caya ta morto actualmente, hendenan ta prefera di bay supermarket. Nos lo purba na bende algun siman si no logra recupera mi lo shutdown y bay cas y no habri mas tampoco, pasobra no tin nada pa nos.

Pa loke ta empleado, di mi propio saco mi ta duna nan cen pa gasolin y cumpra cuminda pa nan merdia, pero no tin entrada y lo bay wak con e situacion ta bay pa e simannan ki y si no ta asina mi lo sera pa semper.

Diadomingo nos a traha e flechanan con pa hende cana paden y ta un caminda por cana, nos a pone handsanitizer manera con gobierno ta pidi y tur esaki ta cumpra for di mi saco.

Comments

comments