Diaranson merdia na Boneiro den un evento special pa prensa Sr. Fransisco Arends a habri conferencia den nomber di Aruba Airlines. E ta contento cu e vuelo inaugural di Aruba Airlines na Boneiro unda cu entrante diahuebs e prome vuelo comercial lo cuminsa pa Boneiro. Sr Arends a comenta cu lo tin cuatro vuelo semanal un ta diamars, diahuebs, diasabra y diadomingo.
Tres di e vuelnan ta bay via di Curacao y esun di diadomingo ta bula Aruba pa Boneiro directo, y despues Boneiro, Curacao Aruba. E tarifa pa start y lo bay mantene e tarifa pa basta tempo pa 315 florin un round trip, Aruba Boneiro Aruba, e ta inclui e Airport tax di Boneiro y esun di Aruba no, na Aruba bo tin cu page. Sr. Arends a comenta cu e ta contento cu e vuelo aki debi cu tabata un necesidad grandi cu e islanan Aruba, Boneiro tabata tin mester un air lift mas pa trece e hendenan di Boneiro pa Aruba y visa versa. E avion cu ta un jet t acarta 50 pasahero y ta full ekipa Sr Arends a comenta.
Minister di Transporte di Aruba Sr Chris Romero tambe a hiba palabra di ta contento di e apertura di un vuelo cu pueblo di Boneiro y sigur di Aruba tabata warda ariba di dje. Awe a realisa un otro coneccion cu lo benifica e pueblo di Aruba y Boneiro unda bo ta haya e fluho y esaki por trece cenario cu negoshinan por traha mucho mas cerca di otro, y e prijs pa bo biaha bin Boneiro ta mas barata.
Diabierna 1 December Aruba Airlines lo bay tin un shopping night di 6 or atardi pa 10 or anochi. Riba cada compra di Pasashi ricibi 10 % di descuento y te forma cu Aruba Airlines ta yama danki na e pueblo di Aruba pa e sosten durante e aña aki. Lo tin musica, bar y cuminda bon surti.