SAUDI ARABIA – Rey di Saudi Arabia, Salman bin Abdelaziz a ordena diamars “cu ta permiti e concesion di un rijbewijs pa hende muhe,” loke ta constitui un decision historico, debi cu e ta e unico pais di mundo unda cu muhenan no mag di stuur.
Di acuerdo cu e informacion di e agencia oficial di noticianan Saudi SPA, e orden aki lo drenta na vigor na Juni otro aña.
“Mi ta asombra, mi ta sinti un alegria inmenso,” Riad Haya Rakyan, un empleado di banco di 30 aña a expresa, segun e agencia AFP a referi. “Mi no a spera un decision manera esaki prome cu aki 10 of 20 aña.”
E monarca a establece un comite forma pa e Ministernan di Interior, Hacienda, Trabao y Desaroyo Social pa nan presenta nan recomendacion riba e asunto den un plazo di trinta dia, segun e agencia EFE.
E comite lo studia con pa aplica e directiva di e rey y homologa e ley di trafico pa e inclui hende muhe “cu igualdad” respecto na e hombernan, segun SPA.
Fuente: www.ntn24.com