Riba diabierna 6 di augustus 2021 e ultimo miembro di Parlamento recien nombra, señor O.B. (Benny) Sevinger, a huramenta den presencia di Gobernador di Aruba, Su Excelencia Alfonso Boekhoudt, na Cas Ceremonial di Gobernador.
Sevinger pa e ocasion aki tabata acompaña pa su esposa y su dos yiunan.
Di e forma aki por bisa cu awo Parlamento ta completo cu su 21 miembronan. E otronan a huramenta dia 9 di juli ultimo. Gobernador a nenga di huramenta Sevinger, pa motibo cu e tabata cera den KIA, y mientrastanto el a sali liber bou cierto condicion.
Pafo di cas ceremonial di Gobernador di Aruba tabata presente lider di e partido berde Mike Eman, hunto cu Mike de Meza y diferente simpatisante di e partido, famia y amigonan.