Sr. Randell Croes, tesorero di Comerciante Uni ta comparti su opinion di e decision di gobierno pa firma cu Hulanda. E ta bisa cu ta algo cu nan a boga p’e pa varios biaha cu mester un ayudo for di Hulanda pa tin un perspectiva solido di situacion financiero y institucional na gobierno.
Pa nan tabata na fabor cu gobierno di Hulanda y Aruba a firma ‘esey tabata positivo pa nos’. Un punto importante cu sr. Croes ta comparti ta e parti di diversificacion di nos economia. E ta bisa cu mester tin un diseño pa desaroyo di produccion pa importa y producto di exportacion.
E ta bisa cu ta algo cu ta tuma tempo pero mester duna un iniciativa fuerte. Pa por crece manera tur otro sector a crece mester tin un inversion, awo cu acuerdo cu Hulanda, ta wak e plan di posibilidad pa por haya financiamento.
Sr. Croes tambe ta comparti di tereno di refineria cu ta keda importante, sea ta busca compania di petroleo of un compania cu tin experencia den huur pa genera entrada. E ta bisa ta keda pa plan pa asina por yuda economia.
Un refineria ta un impacto pa comercio mirando cu tin contratista, menos hende desemplea cu por tin salario mas halto y contratista ta clientenan grandi pa pais Aruba. Di e forma aki lo supply pa turismo y local.
Un ehempel cu sr. Croes ta duna ta e parti di Israel cu a exporta nan awa y di esey nan a crece nan economia. Tambe cu Hulanda ta e pais di number 4 cu ta exporta producto di alimentacion. E ta bisa cu e vision ey mester tin.
“Nos tin hopi mercado cerca, nos tin cu inverti den tecnologia, conservacion di awa pa asina por yega mesun leu cu e paisnan aki”, sr Croes ta splica