Na momento cu damnan no tabata tin asina hopi awa mas pa abastece nos productornan local, hopi di nan mes cu tin un tanki blanco y pickup por bay na Pavia cual ta e molina cu ta den funcion te ainda, of tambe esun na Savaneta. E dos molinanan aki ta den funcion kiermen nan por bay co’I awa na e dos molinanan aki y simplemente muha nan productonan. “Sigur nos a keda semper controla, mantene e dos molinanan aki y semper nan a keda den funcion. Y awor cu awa ta yobiendo mi ta kere cu e grondwater tambe lo mehora,” segun Randy Maduro, vocero di Santa Rosa.
https://www.facebook.com/masnoticia/videos/636748310291681/
Esunnan cu tin un tanki blanco, pone den un baki di pickup y ta invita pa bay uza e awa aki pa nan plantacion. Santa Rosa ta haci un apelacion tambe pa otro tipo di trucknan cu no ta cay bao di sector primario pa por fabor no uza e tipo di awa aki pa laba truck, carwash etc. Semper Santa Rosa lo keda haci e tipo di apelacionnan aki pa mantene e molinanan aki un tiki mas miho posibel pa nos productornan local por disfruta di awa.
Algun aña atras Santa Rosa a haci algun instalacion di molina na diferente bario, pero door cu awa no tabata yobiendo asina hopi, e grondwater ta bira salo. Kiermen dado momento e molina ta para eynan sin por saca un gota di awa, dus a haya ta torno e molinanan aki y wanta nan na Santa Rosa. “Tur cos ta depende na momento cu awa ta yobe. E grondwater ta bira miho ora awa ta yobe y awa pa e cunukero ta bira miho. Nos a pone den diferente bario algun molina pero a haya nos ta kita esaki bek pasobra e grondwater a keda braak pa hopi tempo. Pa laga e molinanan para eynan ta frustria no ta beneficia Santa Rosa”, segun sr. Maduro.