Despues cu aeropuerto a anuncia e siman aki cu a logra recupera 38% di e cifranan di 2019, contandno e mesun period di pasaheronan saliendo di e isla, awe por bisa cu tin un gran cantidad di vuelo yegando Aruba.
Aeropuerto a anuncia cu riba awe diasabra ta ricibi un total di 33 vuelo. Ta prome biaha den un aña cu ta haya e cantidad di vuelonan aki riba un dia.
“Na mes momento cu nos ta manehando e casonan di Covid-19, nos ta acelerando nos programa di vacunacion y tambe nos recuperacion di nos turismo,” Minister di Salubridad Publico y Turismo Dangui Oduber a informa.
E siman aki Aruba lo ricibi 15.932 turista. Awe diasabra lo ta e dia di mas ocupa cu mas di 3500 pasahero. E load factors pa e siman ta 76%. “Ban sigui vacuna Aruba, nos lo vence e pandemia aki y lo tin un futuro briyante bek.”