Awe tabatin celebracion di Democracia segun Lider di fraccion di POR den Parlamento

Parlamentario Drs. Marisol Lopez-Tromp a felicita tur su coleganan cu apertura di Aña Parlamentario nobo y como lider di fracccion di POR den Parlamento, Lopez-Tromp a bisa cu akinan ta celebra democracia. Kizas hopi hende ta concentra riba e dia aki ja con tur hende ta mustra, esta si tin sombre si tin handschoen bisti, pero e esencia ta cu ta celebra democracia den sala di Parlamento y tur esaki den un acto protaculario caminda su excelencia Gobernador a hiba un discurso caminda el a mustra den liñanan grandi, den cada ministerio, con e aña ta y con esaki ta bai ta y esaki ta sosode cada aña. “Loke mi a haya mas importante ta cu Gobernado a subraya e respet cu mester tin den e Sala di Parlamento, un pa otro y pa keda inclui tur hende den comunidad y no exclui niun hende of niun grupo pa wordo scucha. Con cu bai bin den tur proceso sea di Gobernacion of por bisa di Parlamento, pasobra ta importante pa keda scucha esnan den comunidad, ora di tuma di nos decisionnan”, asina Parlamentario Drs. Marisol Lopez-Tromp a declara. Kiermen pa su persona sigur e discurso di Gobernado tabata elocuente y por bisa cu e ta sigur tambe cu den e tempo nos dilanti diferente di e puntonan cu Goberando a trece dilanti lo bai mas den profundidad riba nan.

Comments

comments