Diamars mainta, dia 13 di September, a tuma lugar e apertura di aña Parlamentario nobo pa cual aki e presidente nobo, Mervin Wyatt Ras a splica mas di e dia aki.
Luna di September Parlamento di Aruba tin su apertura di aña Parlamentario. E dia special di awe ta uno di hopi importancia di nos sistema Democratico. E ta marca inicio di un aña di trabaonan grandi pa Parlamento di Aruba pa wordo ehecuta.
Prome minister di Pais Aruba, sr. Mike Eman y su coleganan di Gabinete tur tabata presente durante di dia awe. Parlamentarionan tambe tabata presente den sala. Tambe tabata presente secretaria di Ministerraad, representantenan di conseho consultativo, Corte Comun di Husticia, Ministerio Publico, representantenan di Banco Central, Conseho Social Economico, Camara di Comercio y diferente otro asociacionnan importante di nos pais Aruba.
Alabes tambe ex presidentenan di Parlamento, ex griffier di Staten, representante di Hulanda aki na Aruba, representante di marinierskazerne na Aruba. Hefenan tambe di nos departamentonan di Gobierno, y Publico presente, a wordo gradici pa nan presencia den cas di pueblo.
Pa Wyatt-Ras tabata un placer pa por a presidi e reunion importante aki na apertura di e aña parlamentario.
Na yegada di Gobernador, Wyatt-Ras a nombra un comision di recepcion y despedida manera reglamento di ordo ta prescribi.
Wyatt-Ras a nombra Clarisca Velasquez, Chris Romero y Marisol Lopez-Tromp a forma parti di e comision di recepcion y despedida di Gobernador, e presidente a menciona.