Awe ta dia 14 di October, y ta celebra Dia Mundial di Webo, un alimento asina popular como controverti cu a cambia di reputacion a lo largo di tempo lagando hopi duda na caminda, pesey, awe nos ta recorda algun mito y berdad riba webo.
Mito y algun berdad riba webo
Pa nos por desmenti algun afirmacion popular riba webo cu por afecta e uzo cu nos ta haci di e noble alimento aki, nos lo mustrabo y refuta, e siguiente mitonan:
* Webo ta gorda: pa ta un alimento rico den grasa, su consumo completo semper a wordo restringi den dieetnan pa baha peso y cuida e salud. Pa e rason aki, hopi persona ta considera cu webo ta gorda, sin embargo, e ta un di e alimentonan mas saciante y p’esey, por yuda nos perde peso.
* E consumo di webo ta aumenta colesterol: diverso estudio a demostra cu colesterol cu nos ta come, poco ta influi den e nivelnan di e lipido aki den e organismo. For di eynan ta, si ta bon, webo ta contene colesteror, poco por eleva e compuesto aki den nos curpa.
* Miho no come webo tur dia: for di man di e falso mito anterior, a nace esaki cu ta señala cu ta miho (pa cuida bo salud) no consumi webo tur dia. No obstante, no tin rason pa limita e comemento di webo y e consumo di un of dos unidad diario, ta perfectamente aceptabel den e marco di un estilo di bida saludabel.
* Ta recomendabel consumi solamente a blanco: pa evita e contenido di vet y colesterol mescos cu reduci e calorianan di e webo y hopi persona, incluso profesionalnan ta recomenda come solamente e blanco. Sin embargo aunke esaki por ta un bon medida pa aisla e proteina, deshaci di e dor ta implica variedad di nutriente bon pa e organismo.
Claramente, ainda tin diferente falso mitonan cu por condiciona e consumo di webo y cu, ta importante desmenti pa haci un corecto uzo di e alimento aki cu tin hopi pa ofrece na e organismo.
Fuente: www.vitonica.com